Draugasetrið er staðsett á þriðju hæð Menningarverstöðvarinnar á Stokkseyri. Gestir safnsins fá að kynnast nokkrum af frægustu draugum íslandssögunnar og upplifa sögurnar um þá í 1000fm völundarhúsi. Hver gestur fær lítinn iPod sem inniheldur 24 rammíslenskar draugasögur og inní safninu sjálfu eru 24 herbergi. Á draugabarnum situr Brennivínsdraugurinn uppi í einu horninu og fylgist með gestum og gangandi. Þorir þú?
Á fyrstu hæð hússins er að finna Álfa,- trölla- og norðurljósasafnið en þar fá gestir að skyggnast inní heim álfa og trölla ásamt því að sjá norðurljósin í allri sinni dýrð í um 200 fm vetrarrríki.